അവള്‍

അറിഞ്ഞതേയില്ല നീ ,

എൻ്റെ സങ്കൽപ്പങ്ങളിൽ..

മഴകളെത്ര നനഞ്ഞു നാമെന്ന്

തിരകൾ നോക്കി ചേർന്ന് നിന്നെന്ന്

കൈകോർത്തു വഴിയേറെ 

ഒരുമിച്ചു നടന്നെന്ന്

നിലാവിൽ ഉറങ്ങാതെ

കനവേറെ കണ്ടെന്ന്

നെഞ്ചിൻ്റെ താളത്തിൽ മൂളി-

പ്പാട്ടുകൾ കെട്ടെന്ന്

മൊഴികൾക്ക് കാതോർത്ത്

ഉറങ്ങാതെ ഞാനിരുന്നെന്ന്

വീണ്ടുമിണങ്ങാനായ് ചിലനേരം 

പിണക്കങ്ങൾ നടിച്ചെന്ന്

നിൻ ചിരികളിൽ അതെപ്പോഴും അലിഞ്ഞുടഞ്ഞെന്ന് 

എപ്പോഴോ ഞാൻ നീയും

നീ ഞാനുമായെന്ന്

മതിവരാതെ പ്രണയം

നമ്മിൽ തോരാതെ പെയ്യ്തെന്ന്!..