ഓര്മ്മകളിലൂടെ.... പതിവ് പണിത്തിരക്കുകള് ഒന്നുമില്ലാതെ മറ്റൊരു അലസമായ വെള്ളിയാഴ്ച. ചിന്തിക്കാന് ഒരു ചിന്തയെ മനസ്സില് നിന്ന് ചികഞ്ഞെടുക്കാന് ശ്രമിക്കവേ, എനിക്ക് മിണ്ടാന് ഒരാളെ കൂട്ട് കിട്ടി. വിശേഷം പറച്ചിലിന്റെ രസം പിടിച്ചു അവളോടൊപ്പം എന്റെ മനസ്സിലൂടെ ഞാന് നടക്കവേ, പകുതി ചാരിയിട്ട ഒരു ഓര്മ വാതില്... അതിന്റെ പാളി തുറന്നു എത്തിനോക്കിയ ഞാന് കണ്ട കാഴ്ച്ചക്ക് വ്യത്യസ്തമായ നിറവും മണവുമായിരുന്നു. അവിടെ ഞാന് കണ്ടു വര്ഷങ്ങള്ക്കപ്പുറത്തെ എന്നെ. എന്റെ കണ്ണുകളില്, ഇന്നിന്റെ പൊള്ളയായ പുറംമോടിക്കാഴ്ച്ചകള് കണ്ടു മടുത്ത നിസ്സംഗത ഇത്രത്തോളമില്ല. ആ വാതില്പ്പാളിക്കപ്പുറത്ത് , പതിനെട്ടു വര്ഷത്തോളം ഞാന് താമസിച്ചിരുന്ന എന്റെ വീടുണ്ട്. എന്റെ സ്വപ്നങ്ങള്ക്കൊപ്പം ഞാന് കളിച്ചു വളര്ന്ന മുറ്റവും, എന്റെ മാത്രം ലോകമായിരുന്ന ആ പറമ്പും, അവിടുത്തെ ചെടികളും മരങ്ങളുമുണ്ട്. എല്ലാത്തിനോടും വിടപറഞ്ഞു അമ്മയുടെ ഓര്മകളുമായി ഇറങ്ങുമ്പോള് കണ്കോണില് ഉരുണ്ടു കൂടിയ നീര്മണിയുടെ ചൂടിനെ ഒപ്പിയെടുത്ത ഗൃഹാതുരത്വത്തിന്റെ മണമുള്ള കാറ്റുണ്ട്. അവിടെ പറമ്പിന്റെ വടക്കേ അറ്റത്തു തണലായി നില്ക്കുന്ന ഒരു മൂവാണ്ടന്
Posts
Showing posts from October, 2012